Өскемен әуежайы жолаушыларды тасымалдау көлемін ұлғайтуда

Өскемен қаласының тұрғындары мен қонақтары үшін жақсы жаңалық! 4-ші мамырдан бастап Новосібір - Өскемен бағыты бойынша рейстерді орындау жиілігі артатын болады. Бұл туралы "Өскемен әуежайы" АҚ Президенті Серік Оразғалиев мәлімдеді. "Егер қазір Новосібір - Өскемен бағыты бойынша ұшақтар аптасына 3 рет ұшатын болса, енді 4-ші мамырдан бастап рейстер аптасына 4 рет орындалатын болады", - деді Серік Оразғалиев. "Өскемен әуежайы" АҚ президентінің айтуынша, Новосібірге ұшақтар дүйсенбі, сәрсенбі, жұма және жексенбіде ұшатын болады. Рейстерді S7 Airlines авиакомпаниясы жүзеге асырады. Жақын арада басқада жаңа бағыттар бойынша хабарламалар болады.